safar

ghar jaate hue raste mein dekha
ek sookha peepal ka patta yunhi pada tha jadh ke pass
shayad beechadhne ke gham mein ruka tha kuch der

ek geelee hawa ka jhonka aaya
patte ko usne jaise gehri soch se jagaya

woh zameen usne chodi jisse lipta tha itni der se
aur udha umber ki aur, kabhi girta, kabhi takrata, badhta gaya

chal tow raha tha mere saath hi
kabhi mere paoon se takrata, tow kabhi kuch sochke dur ho jaata

na jaane kahan jaake rukna tha usko
par jab talak mere saath chala, mera safar tanha nahi kata